Արքայազն Յոհան Ֆրիսոն` թագուհի Բեատրիկս և Կլաուս ֆոն Ամսբերգի երկրորդ որդին Ավստրիայում, ուր թագավորական ընտանիքը թագուհի Բեատրիկսի գլխավորությամբ հանգստանում է, մնացել էր ձնակույտի տակ: Արքայազնը մինչև փրկարարների հայտնաբերումը 15 րոպե մնացել էր ձյան տակ:
Երիտասարդին տարել են Ինսբրուկի հիվանդանոցի վերակենդանացման բաժանմունք: Բժիշկները արքայազնի վիճակը գնահատում են կայուն, սակայն կյանքի համար վտանգ դեռ կա, ասվում է կառավարական Տեղեկատվական ծառայության պաշտոնական հաղորդման մեջ:
Ինչպես հաղորդել է Լեխ քաղաքի քաղաքագլուխը, փրկարարները արքայազնին շատ արագ են հայտնաբերել և ուղղաթիռով հասցրել հիվանդանոց: Ամեն ինչ կատարվել է այսպես կոչված ազատ սահելու գոտում` հիմնական արահետներից դուրս: Նիդերլանդների թագուհին ձնակույտի թափվելուց չի տուժել:
No comments:
Post a Comment