Ճապոնական Ինոսիկարա կենդանաբանական այգում իր հոբելյшնն է նշում Ծագող արևի երկրի ամենատարեց փիղը`Խանակոն: Չնայած նրա ծծդյան օրը հունվարի մեկին է , սակայն երկարակյաց փղուհու 65 ամյակը կնշվի այսօր:
Հարյուրավոր մարդիկ եկել են Մուսասինո քաղաք, շնորհավորելու կնճիթավոր հոբելյարուհուն: Տոնական ծրագրում նախատեսվում են տարբեր հյուրասիրություններ ինչպես Խանակոյի, այնպես էլ այցելուների համար,խաղեր և զվարճալիքներ, վիկտորինաներ, որոնցում կենդանաբանական այգու աշխատակիցները պատասխանում են Ինոսիկարայի այցելուների հարցերին:
Ինչպես ИТАР-ТАСС-ն է հաղորդում, Խանակոյի ծննդյան իրական թիվը հայտնի չէ, այդ պատճառով, երբ 1949 թ, կենդանուն Թայլանդից բերեցին Ճապոնիա, որոշվեց ծննդյան օրը հունվարի մեկին: Այժմ Խանակոն Ճապոնիայում ապրած ամենաերկարակյաց փիղն է: Մեկ ամիս առաջ նա նախորդ Սուվակո փղի, որը սատկեց Կոբե կենդանաբանական այգում 2008թ., ռեկորդը գերազանցեց : Կենդանաբանական այգու աշխատակիցները ասում են, որ Խանակոն իրեն շատ լավ է զգում: Նա ասիական կամ հնդկական փղերի տեսակից է: Ասիական փիղը իր մեծությամբ երկրորդն է աշխարհում սավաննայի փղից հետո:
No comments:
Post a Comment