Թութակին, որը վերջերս էր հիմնվել Բիրմինգհեմի էկզոտիկ կենդանիների կենտրոնում, կստիպեն լավ վարվեցողության դասընթաց անցնել:
Դրա անհրաժեշտությունը զգացվեց, երբ կենտրոնի աշխատակիցները լսեցին, որ թութակը պարբերաբար կոպիտ հայհոյանքներ է տեղում: Միստր Տի մականունով թութակին Tropical Inc կենդանաբանական ապաստարան են բերել տերերը, ովքեր էլ, ամենայն հավանականությամբ նրան այդպիսին են դարձրել: Տին կենտրոնում է` երեխաների ու մեծահասակների կրթական ծրագրին մասնակցելու համար, որոնց մոտիկից են ծանոթացնում կենդանիներին` շրջակա միջավայրի վերաբերյալ գիտելիքների ձեռքբերման նպատակով: Փաստն այն է, որ Տին դեռևս չի կարող կրթական ծրագրին մասնակցել` “կեղտոտ բերանի” պատճառով: Հիմա նա պետք է ծանոթանա իր ցեղակիցներին, որոնց բառապաշարը հարուստ չէ գռեհկաբանությամբ, ինչպես նաև լեզվի դասընթացների է մասնակցելու: Համենայն դեպս, Tropical Inc-ի տնօրենը կարծում է, որ Տին կուղղվի, դրա բոլոր նախադրյալներն ունի: Նա երիտասարդ ու ընդունակ աշակերտ է: Սակայն, դեռևս պարզ չէ, թե նրա վերադաստիարակման համար որքան ժամանակ կպահանջվի:
No comments:
Post a Comment