“Սարսափ” (Nightmare) խմբավորման հակերները կաթվածահար են արել տել-ավիվյան ֆոնդային բորսայի աշխատանքը, ինչպես նաև կոտրել են իսրայելական El-Alավիաընկերության կայքը: Հանցագործները ծայրահեղ իսլամիստներ են և գործում են Սաուդական Արաբիայում:
Երկուշաբթի Ցուլ Օմար (Ox Omar)մականունով հակերը իսրայելական Jerusalem Post թերթին նամակ է ուղղարկել , որում գրել է , որ այսօր տել-ավիվյան ֆոնդային բորսան և El-Alավիաընկերության կայքը շարքից դուրս կգան: Բորսայի ներկայացուցիչի խոսքով , հակերներին իրոք հաջողվել է կաթվածահար անել տրեյդերների աշխատանքը , բայց միայն որոշ ժամանակ: Կոտրելուց քիչ անց վաճառքը վերսկսվել է : Նմանատիպ հաղորդագրություն հրապարակել են նաև El-Al ընկերության աշխատակիցները:
Իսրայելական տարբեր հաստատությունների վրա կիբերհարձակումները հունվարի սկզբից չեն դադարում: Երկու շաբաթ առաջ Սաուդական Արաբիայից մտել էին հազարավոր իսրայելցիների անձնական տվյալների և նրանց կրեդիտ քարտերի համարների մեջ: Դրանից հետո Իսրայելի բանկը արգելափակեց մոտ 15000 հաշիվ, որպեսզի հանցագործները չկարողանան ներթափանցել այնտեղ:
Հակերները բացահայտ հայտարարում են , որ ներկայացնում են ”բարկացած մահմեդականների” Սաուդական Արաբիայից և պատրաստ են Իսրայելի հետ “սրբազան պատերազմ” մղել տարբեր ասպարեզներում, այդ թվում էլեկտրոնային: Երկուշաբթի հակերների գործողությունները պաշտպանեցին ՀԱՄԱՍ խմբավորման ներկայացուցիչները:
No comments:
Post a Comment