Իսրայելական Շվարամ քաղաքում մեկ տարեկան երեխան հաղթել է օձին`կծելով նրա գլուխը: Իմադի մայրը` Գադիրան կաթի բաժակը ձեռքին մտել է նրա սենյակ և տեսել կատարվածը:
Ինչպես հաղորդում է ԻՏԱՌ-ՏԱՍՍ-ը, փոքրիկ Իմադը չի տուժել, բայց այնուամենայնիվ նրան հիվանդանոց են տարել հետազոտելու:
Երեխայի պապը պատմում է, որ տղան արթնացել է առավոտյան վաղ, իջել ծնողների մահճակալից, որտեղ գիշերել էր, և գնացել մանկական սենյակ: Այտեղ նա տեսել է 35սմ երկարության օձին: Իմադը բոլորովին չի վախեցել, մտածել է,որ ծնողները իրեն նոր խաղալիք են նվիրել: Նա բռնել է օձին և ինչպես բոլոր երեխաներն են վարվում խաղալիքների հետ, մտցրել է բերանը և սեղմել ատամները: Երբ մայրը նրա բերանից հանել է կիսով չափ ծամված օձի գլուխը, երեխան լաց է եղել:
Դեպքի վայր է եկել պրոֆեսիոնալ օձ բռնող Էլի Կոենը, նա ասել է , որ նման դեպքի առաջին անգամ է ականատես լինում: Կոենը ասել է , որ օձը երեք տարեկան է և նրա թույնը վնասակար չէ մարդու համար, չնայած կծելու տեղը կարող է մի քանի օր ցավել: Բարեբախտաբար երեխայի սպանած օձը փոքր չափերի էր,այդ օձերը խեղդում են իրենց զոհերին,ասել էօձ բռնողը:
No comments:
Post a Comment