Ձայնագրության մեջ Քենեդին քննարկում է Վիետնամի հետ կոնֆլիկտը, Խորհրդային միության հետ հարաբերությունները, տիեզերքի յուրացումը և իր թեկնածությունը երկրորդ ժամկետում առաջադրելու պլանները: Ջոն Քենեդին ձայնագրությունները գաղտնի է պահել նույնիսկ մտերիմ գործընկերներից: Վերջին ժապավենը ձայնագրվել է իր մահից ընդամենը 2 օր առաջ: Մի ժապավենում հնչում են նրա 2 երեխաների ձայները. Ջոն կրտսերի ու Կարոլինի, որնք խաղում են Սպիտակ տան միջանցքներում: Հետո Քենեդին իր երեխաների հետ է ծանոթացնում խորհրդային միության ԱԳ նախարար Անդրեյ Գրոմիկոյին:
Մասնագետները սկսել են այդ զրույցների ուսումնասիրությունը: Նրանց համոզմամբ, դրանք հնարավորություն կտան հասկանալու, թե ինչ մարդ էր Քենեդին: Ձայնագրություններ անելու նախագահի ցանկությունը մեկնաբանվում է նաև հուշեր կազմելու ցանկությամբ: Բացի այդ, շոշափվում է նաև այն վարկածը, որ Քենեդին մտահոգություն ուներ այն փաստի առնչությամբ, որ իր խոսքերը հաճախ էին սխալ մեկնաբանվում:
No comments:
Post a Comment