Ընտանի կենդանի պահելու որոշումը ոչ միայն ուրախություն է, այլև շատ լուրջ գործ: Դա է հաստատում Անգլիայի բնակիչներից մեկի պատմությունը:
Դատարանը արգելել է նրան երեք տարի կենդանի պահել, այն բանից հետո երբ նա հարբեցրել էր իր շան ձագին:Ինչպես հաղորդում են բրիտանական ԶԼՄ-ները, անցյալ տարվա օգոստոսի 22 –ին Մետյու Կոկս անունով մեկը իր հարևանի հետ ծարավն էր հագեցնում ալկոհոլային կոկտեյլներով: Նույնիսկ չմտածելով , որ իրենց խմիչքները ուրիշների բաժին կդառնան, բարեկամները դուրս են եկել ծխելու: Երբ նրանք վերադարձել են ապա տեսել են,թե ինչպես Կոկսի շունը, որը Լաբրադորի ձագ էր , խմում է թողած կոկտեյլը: Դրան առանձնապես նշանակություն չտալով , բարեկամները կենդանուն թողնում են տանը, որ նա քնի և չեն տանում անասնաբուժի մոտ: Սակայն , ինչպես Նոտինգեմի դատարանում հայտարարեց դատախազ Մարիա Մուրը «հարբած»շնիկին” հայտնաբերել են հարևան տան մոտ, որից հետո շանը տարել կլինիկա, որտեղ նրան կաթիլային են միացրել օրգանիզմից ալկոհոլը հանելու համար:
Իր կենդանու նկատմամբ անպատասխանատու վերաբերմունքի պատճառով դատարանը արգելել է Կոկսին երեք տարի շուն պահել , իսկ շան ձագի համար բարեբախտաբար գտել են մեկ այլ տուն `ավելի հոգատար տերերով:
No comments:
Post a Comment