Մարիա Ասունտան մահացել է անցած ամիս Իտալիայում, 94 տարեկանում ու քանի որ անմիջական հարազատներ չուներ, որոշել էր իր կարողությունը նվիրել սիրելի կատվին, որին գտել էր փողոցում ու տարիներ շարունակ հոգ տարել նրա մասին:
Դեռևս 2009-ին էր Ասունտան կտակ կազմել: Սակայն, Իտալիայի օրենքների համաձայն, կենդանիները ժառանգորդներ չեն կարող դառնալ: Դրա համար տատիկի փաստաբանները խորհուրդ էին տվել նրան իր սեփականությունը փոխանցել կենդանիների պաշտպանության որևիցե կազմակերպության:
Եվ, քանի որ հարմար կազմակերպություն չէր եղել, ուստի Ասունտան կատվի խնամակալությունը հանձնել է իր բուժքրոջը` Ստեֆանիային, որը խնամում էր տարեց կնոջն ու նույնպես սիրում էր կատվին: Ստեֆանիան խոստովանել է.«Ես պատկերացում անգամ չունեի, որ տատիկն այդքան հարուստ էր: Անկեղծ ասած, փիսոյին այդ միլիոնները պետք չեն, նա լիարժեք երջանիկ է, երբ նրա թասը լիքն է »:
Աշխարհի ամենահարուստ կենդանին Գյունթեր անունով գերմանական հովվաշունն է, որը ժառանգել է 138 մլն դոլար իր տիրուհուց: Երկրորդ հորիզոնականում Կալու անունով շիմպանզեն է, որի «կարողությունը» կազմում է 61 մլն դոլար: Կալուի տիրուհին լողի ավստրալացի չեմպիոն Ֆրենկ Օ’ Նիլի կինն էր:
No comments:
Post a Comment