Ջոբսը ծնվել էր Սան-Ֆրանցիսկոյում, կյանքի մեծ մասն անցկացրել Կալիֆորնիայում: Հիվանդության մասին հայտնի էր դարձել 2003թ., երբ բժիշկները Ջոբսի մոտ հայտնաբերել էին ենթաստամոքսային գեղձի , իսկ 2009-ին ՝ լյարդի քաղցկեղ և կատարել լյարդի փոխպատվաստում:
«Իմ մոտալուտ մահը գիտակցելն օգնել է ինձ ընդունել շատ դժվար որոշումներ: Որովհետև մնացածը՝ օտարների կարծիքը, հպարտությունը, տապալվելու վախը, ուղղակի անիմաստ են դառնում մահվան առաջ՝ թողնելով միայն այն, ինչ իսկապես կարևոր է»,-ասել է Սթիվ Ջոբսը:
Սթիվ Ջոբսի կենսագրությունում, որ հրատարակվելու է նոյեմբերին, նշվում է, որ նա դաստիարակվել է հայկական ընտանիքում, որ ներգաղթել էր ԱՄՆ Թուրքիայի Մալաթիա քաղաքից:
Թուրքական Milliyet թերթի փոխանցմամբ, «Սթիվ Ջոբս. Կենսագրություն գրված Ութոլտեր Այզաքսոնի կողմից» գրքում ասված է, որ Ջոբսի խորթ մայրը Կլարա Հակոբյանը ներգաղթել է Մալաթիայից 1915-ից հետո: Կլարայի հայրը` Լուիս Հակոբյանը ծնվել է Մալաթիայում 1894թ., իսկ մայրը` Վիկտորիա Արթինյանը Իզմիրից է:
Նա մահացել է հոկտեմբերի 5-ին, 56 տարեկան հասակում, Կալիֆոռնիայի Կուպերտինո քաղաքում:Նշենք, որ Հայաստանում Apple-ի ներկայացուցչության մոտ այսօր մարդիկ ծաղիկներ եւ մոմեր են բերում ի հիշատակ Սթիվ Ջոբսի:
Google որոնողական համակարգն իր հերթին իր գլխավոր էջում տեղադրել է apple.com կայքի հղումը:
No comments:
Post a Comment