Այսօր նույնիսկ հայերը դժվարանում են պատկերացնել իրենց առօրյան առանց բանկոմատների:Սակայն քչերը գիտեն, որ բանկոմատի գյուտարաը հայ է: Այս մասին տեղեկություններ հրապարակվեցին բոլորովին վերջերս` Retail Banking Research հետազոտական ընկերության կողմից:Պարզվում է, որ աշխարհում բանկոմատի առաջին հեղինակային արտոնագիրը ստացել է Ամերիկայում բնակվող Լյութեր Ջորջ Սիմոնյանը: Կանխիկ դրամ տրամադրող ավտոմատ սարքի ստեղծման գաղափարը, որը հետագայում ստացավ Bankomatic անունը, Սիմոնյանի մոտ ծագեց 1939 թվականին: Այն ժամանակ նա զբաղված էր իր ՌԵՖԼԵԿԹՈՆ կազմակերպությունում ռենտգենյան ապարատի նախագծմամբ: Երբ սկզբնօրինակը պատրաստ էր, նա նախնական պայմանագիր կնքեց Նյու Յորքի Citibank-ի հետ` իր սարքը 6 ամսով փորձնական շահագործման ենթարկելու մասին: Սակայն այն ժամանակ չկար ներկայիս պահանջարկը, և կես տարի անց պայմանագիրը կասեցվեց:
Այսօր աշխարհը հեղեղված է բանկոմատներով, որոնց նախահայրը եղել է հայ: ԱՄՆ-ում ներկայումս կա 425000, Եվրոպայում` 378000, Ճապոնիայում` 190000, Չինաստանում` 138000, Ռուսաստանում` 80000 բանկոմատ:
No comments:
Post a Comment