Եվրոպայի
առաջնության խմբային փուլն այս անգամ բավականին գոլառատ ու գեղեցիկ
ստացվեց: Ամբողջ փուլի ընթացքում չգրանցվեց և ոչ մի 0-0 հաշիվ:
Սկսենք
առաջին՝ «Ա» խմբից: Չեխիան, Լեհաստանը, Ռուսաստանն ու Հունաստանն ընդգրկված
էին այս խմբում: Առաջին խաղը, որ կայացավ այս խմբի շրջանակներում,
Լեհաստանի և Հունաստանի հավաքականների միջև էր: Խաղն ավարտվեց ոչ-ոքի՝ 1-1
հաշվով: Այս տուրում Ռուսաստանի հավաքականի մրցակիցը Չեխիայի ազգային
ընտրանին էր: Թիմերի միջև տեղի ունեցած հանդիպումն էլ ունեցավ հաղթական
ավարտ ռուսների համար. թիմը հաղթեց բավականին տպավորիչ, հետագայի համար
հուսադրող՝ 4-1 հաշվով: Երկրորդ տուրն սկսվեց Հունաստանի ու Չեխիայի
հավաքականների հանդիպումով: Այս խաղում առավելության հասավ Չեխիայի
հավաքականը՝ հաղթելով կամային՝ 1-2 հաշվով: Մյուս խաղում թիմերը
«հաշտվեցին»՝ տալով հանդիպմանը ոչ-ոքի արդյունք՝ 1-1: Երրորդ՝ վերջին
տուրում իրար բախվեցին Չեխիա - Լեհաստան ու Հունաստան - Ռուսաստան թիմերը:
Երկու խաղում էլ գրանցվեց նվազագույն հաշվով հաղթանակ՝ և´ Չեխիան, և´
Հունաստանը, ուղարկելով մրցակցի դարպասը մեկ գնդակ, որոշեցին այս խմբի
առաջատարներին: Այսպիսով՝ այս խմբից դուրս եկան Չեխիայի ու Հունաստանի
հավաքականները:
Խումբ Ա
Թիմեր | Խ | Մ |
Չեխիա | 3 | 6 |
Հունաստան | 3 | 4 |
Ռուսաստան | 3 | 4 |
Լեհաստան | 3 | 2 | | | |
«Բ»
խումբը համարվում էր մահվան խումբ:Այս խմբում իր սպասելիքները չարդարացրեց Հոլանդիայի ընտրանին: Առաջին խաղը Հոլանդիայի ու Դանիայի
հավաքականների միջև էր: Այս խաղում եղավ առաջին անակնկալը. Դանիան
նվազագույն հաշվով հաղթեց հոլանդացիներին: Իսկ զուգահեռ խաղում Գերմանիայի
ազգային ընտրանին տարավ իր առաջին հաղթանակը մրցաշարում հաղթողի
հավակնորդներից մեկի՝ Պորտուգալիայի նկատմամբ՝ 1-0: Երկրորդ տուրում
Դանիայի հավաքականը ուժերը չափեց Պորտուգալիայի հավաքականի հետ և թույլ
գտնվեց՝ տանուլ տալով խաղը 2-3 հաշվով: Դանիան դարձավ մրցաշարի գլխավոր անակնկալներից մեկը և արժանի պայքար մղեց իր խմբում ընդգրկված մյուս երեք հզոր ընտրանիների դեմ: Հոլանդիան ևս մեկ անգամ ձախողվեց. Գերմանիան հաղթեց 1-2
հաշվով ու դարձավ խմբի միանձնյա առաջատարը: Վերջին տուրում Գրեմանիան ևս
կարողացավ առավելության հասնել մրցակցի նկատմամբ՝ վաստակելով ինը հնարավորից ինը միավոր: Իսկ Պորտուգալիան, 2-1 հաշվով հաղթանակ տանելով
Հոլանդիայի նկատմամբ, երկրորդ տեղով ապահովեց հաջորդ փուլի ուղեգիրը:
Խումբ Բ
Թիմեր | Խ | Մ |
Գերմանիա | 3 | 9 |
Պորտուգալիա | 3 | 6 |
Դանիա | 3 | 3 |
Հոլանդիա | 3 | 0 |
«Գ»
խմբում բավականին հետաքրքիր պայքար ստացվեց: Առաջին խաղը խմբի
հավակնորդների՝ Իտալիայի ու Իսպանիայի հավաքականների միջև էր: Այս հանդիպումը ավարտվեց 1-1 հաշվով: Զուգահեռ
խաղում խորվաթները վստահ՝ 1-3 հաշվով հաղթանակ տարան Իռլանդիայի նկատմամբ՝
դառնալով խմբի առաջատարը: Երկրորդ տուրն սկսվեց Իտալիա - Խորվաթիա խաղով,
որն իտալացիների համար դարձավ նախորդ հանդիպման կրկնությունը. հանդիպումն
ավարտվեց 1-1: Իսկ ահա Իսպանիայի ընտրանին, օգտվելով վերոնշյալ խաղի
արդյունքից, տարավ 4-0 հաշվով ջախջախիչ հաղթանակ իռլանդացիների հանդեպ:
Առջևում վերջին տուրն էր: Խորվաթիան, չնայած մրցակցից ոչ պակաս լավ
խաղալուն, 88-րդ րոպեին գնդակ ընդունեց սեփական դարապասն ու պարտվեց:Իտալիայի հավաքականն էլ իր հերթին 2-0 հաշվով
հաղթեց Իռլանդիային ու զբաղեցրեց 2-րդ հորիզոնականն այս խմբում:
Խումբ Գ
Թիմեր | Խ | Մ |
Իսպանիա | 3 | 7 |
Իտալիա | 3 | 5 |
Խորվաթիա | 3 | 4 |
Իռլանդիա | 3 | 0 |
Հետաքրքիր
ստացվեց նաև պայքարը «Դ» խմբում: Այս խմբում միչև վերջին պահը բոլոր
թիմերը, բացի Շվեդիայից, կարող էին անցնել քառորդ եզրափակիչ, սակայն եղավ
այնպես, ինչպես սպասում ու կանխատեսում էին շատերը. Անգլիան ու Ֆրանսիան
դուրս եկան հաջորդ փուլ: Առաջին խաղում իրար բախվեցին խմբի առաջատարները՝
Ֆրանսիան ու Անգլիան: Խաղն ավարտվեց 1-1 հաշվով: Իսկ խմբի մյուս խաղում
ուկրաինացիները կարողացան կամային՝ 2-1 հաշվով հաղթանակ տանել Շվեդիայի
հանդեպ: Հաջորդ խաղում Ֆրանսիան 2-0 հաշվով հաղթեց Ուկրաինային, իսկ Անգլիան 2-3 հաշվով
հաղթեց Շվեդիային: Այսինքն՝ Շվեդիայից բացի, բոլոր թիմերն իրենց պահոցում
ունեցան մեկական հաղթանակ: Վերջին տուրը որոշիչ էր. Անգլիան հաղթեց
Ուկրաինային ու գրավեց առաջին տեղը, իսկ Ֆրանսիան, չնայած 0-2 հաշվով
պարտվելուն, զբաղեցրեց 2-րդ հորիզոնականն ու դուրս եկավ մեկ չորրորդ
եզրափակիչ:
Խումբ Դ
Թիմեր | Խ | Մ |
Անգլիա | 3 | 7 |
Ֆրանսիա | 3 | 4 |
Ուկրաինա | 3 | 3 |
Շվեդիա | 3 | 3 |
Եվրո-2012-ի քառորդ եզրափակչում կհանդիպեն հետևյալ զույգերը՝
21.06 Չեխիա | |
22.45
| | Պորտուգալիա |
Մրցավար: Հովարդ Վեբ(Անգլիա) Մարզադաշտ: Վարշավայի Ազգային Ստադիոն, Վարշավա, Լեհաստան |
|
|
22.06 Գերմանիա | |
22.45
| | Հունաստան |
Մրցավար :Դամիր Սկոմինա (Սլովենիա) Մարզադաշտ: Առենա Գդանսկ, Գդանսկ,Լեհաստան |
23.06 Իսպանիա | |
22.45
| | Ֆրանսիա |
Մրցավար: Նիկոլյա Ռիզոլլի (Իտալիա) Մարզադաշտ : Դոնբասս Առենա,Դոնեցկ ,Ուկրաինա |
|
|
|
|
|
|
24.06 Անգլիա | |
22.45
| | Իտալիա |
Մրցավար: Պեդրո Պրոենցա (Պորտուգալիա) Մարզադաշտ: Օլիմպիական Ստադիոն, Կիև,Ուկրաինա |
No comments:
Post a Comment